ქვემო ქართლში სახელმწიფო რწმუნებულმა, შოთა რეხვიაშვილმა გარდაბნის მუნიციპალიტეტის ახლადარჩეული მერი, დავით კარგარეთელი თანამშრომლების წინაშე ოფიციალურად წარადგინა.

სახელმწიფო რწმუნებულმა ოთხწლიანი ნაყოფიერი და წარმატებული საქმიანობისთვის მუნიციპალიტეტის ყოფილ მერს, რამაზ ბუდაღაშვილს განსაკუთრებული მადლობა გადაუხადა, ახლადარჩეულ მერს კი წარმატებები უსურვა.

შოთა რეხვიაშვილმა სიტყვით გამოსვლისას ყურადღება გაამახვილა, მუნიციპალიტეტში განხორციელებულ მასშტაბურ ინფრასტრუქტურულ პროექტებზე და სოციალურ-ეკონომიკური მდგომარეობის გაუმჯობესების მიზნით გაწეულ საქმიანობაზე. მხარის პირველი პირის განცხადებით, ახალი მერის პირობებში ყველა მნიშვნელოვანი პროექტი და პრიორიტეტული მიმართულება, რომელიც მუნიციპალიტეტის განვითარებას ისახავს მიზნად, კვლავ, შეუფერხებლად გაგრძელდება.