ბოლნისის მუნიციპალიტეტში, დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტრმა, ამირან გამყრელიძემ და ქვემო ქართლში სახელმწიფო რწმუნებულმა, შოთა რეხვიაშვილმა, თვითმმართველობებისა და ჯანდაცვის რეგიონული სამსახურების ხელმძღვანელ პირებთან ერთად, ვაქცინაციის ტემპის გასაზრდელად,

იმუნიზაციის მართონის შესახებ იმსჯელეს.

სამუშაო შეხვედრის ფარგლებში, საუბარი შეეხო ოქტომბრის შუა რიცხვებიდან საქართველოს დიდ დასახლებულ პუნქტებში, ძირითადად, სოფლებში იმუნიზაციის მარათონის კვირელის დაწყებას, რომლის მიზანი 2-3 კვირის განმავლობაში, მოზრდილი მოსახლეობის 60%-ის აცრაა. საქართველოს მასშტაბით შერჩეულია 49 სოფლი, სადაც 3000-ზე მეტი ადამიანი ცხოვრობს.

აღსანიშნავია, რომ მოსახლეობის მაქსიმალური მობილიზების მიზნით, პროცესში აქტიურად ჩაერთვებიან ადგილობრივი ხელისუფლების წარმომადგენლები და ჯანდაცვის სამსახურები. მოსახლეობას დაურიგდება საინფორმაციო ფლაერები არსებული კოვიდ-რეგულაციებისა და აცრების აუცილებლობასთან დაკავშირებით. ვაქცინაციის მსურველები შესაბამისი პროცედურის ჩატარებას საკუთარი სოფელების ამბულატორიებში შეძლებენ.

ქვემო ქართლის რეგიონში ვაქცინაციის მარათონი ბოლნისის მუნიციპალიტეტიდან 19 ოქტომბერს დაიწყება. ადგილობრივი მედიკოსები დაავადებათა კონტროლისა და საზოგადოებრივი ჯანმრთელობის ეროვნული ცენტრის სპეციალისტებთან ერთად, დაბა კაზრეთისა და სოფელი რაჭისუბნის მოსახლეობას „ფაიზერის“, „სინოფარმისა“ და „სინოვაკის“ ვაქცინებით აცრიან.