რუსთავში, საქართველოს წითელი ჯვრის საზოგადოებამ, ჯანდაცვის სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრის და რუსთავის მუნიციპალიტეტის ადგილობრივი მთავრობის ხელშეწყობით, მე-4 საჯარო სკოლის ტერიტორიაზე მასობრივი იმუნიზაციის ცენტრი გახსნა.

ღონისძიებას ქვემო ქართლში სახელმწიფო რწმუნებული შოთა რეხვიაშვილი, საქართველოს წითელი ჯვრის საზოგადოების პრეზიდეტი ნათია ლოლაძე, რუსთავის მერის მოადგილე დავით იშხნელი და საზოგადოებრივი ჯანდაცვის რეგიონული სამსახურის ხელმძღვანელი, დავით ბეგაშვილი.     დაესწრნენ.

ახალ ცენტრში უსაფრთხო იმუნიზაციისათვის ყველა პირობაა შექმნილი. სამედიცინო პერსონალი უზრუნველყოფილია ანტიშოკური და ანტიალერგიული პრეპარატებით, ამასთან, ყველა მათგანს გავლილი აქვს შესაბამისი ტრენინგები. ფუნქციონირებს შოკის ოთახიც. ვაქცინაციის ყველა მსურველს ადგილზე წინასწარი რეგისტრაციის გარეშე შეეძლება აცრა.

აღსანიშნავია, რომ საქართველოს წითელი ჯვრის საზოგადოება ქვეყანაში კორონავირუსის გავრცელების პირველივე დღეებიდან ჩართულია მოსახლეობის დასახმარებლად და მხარდასაჭერად. ასევე, ქვეყანაში მასობრივი იმუნიზაციის დაწყებიდან დღემდე სხვადასხვა მიმართულებით ერთვება ვაქცინაციის პროცესში, მათ შორის, ქვეყნის მასშტაბით, საინფორმაციო მასალების გავრცელებასა და კლინიკებში ვაქცინაციის მსურველთა რიგების მართვაში.