ქვემო ქართლში სახელმწიფო რწმუნებული, შოთა რეხვიაშვილი დიდგორობის სახალხო დღესასწაულზე ცენტრალური და ადგილობრივი ხელისუფლების წარმომადგენლებთან ერთად იმყოფებოდა.

ღონისძიების ფარგლებში, საზოგადოებას სიტყვით მიმართეს და დიდგორობა მიულოცეს საქართველოს პრემიერ მინისტრმა, ირაკლი ღარიბაშვილმა, პარლამენტის თავმჯდომარე კახა კუჭავამ და თავდაცვის მინისტრმა ჯუანშერ ბურჭულაძემ.

დიდგორის ბრძოლის 900 წლის იუბილესთან დაკავშირებით, სამხედრო მოსამსახურეები პრემიერ-მინისტრის ინიციატივით შექმნილი სპეციალური მედლით “დიდგორი 900” დაჯილდოვდნენ. ჯილდოები მათ ირაკლი ღარიბაშვილმა პირადად გადასცა.

,,დიდგორობა 2021”, პანდემიიდან გამომდინარე, მოქმედი რეგულაციების სრული დაცვით ჩატარდა. ღონისძიებას აღმასრულებელი და საკანონმდებლო ხელისუფლების წევრები, საკონსტიტუციო სასამართლოს თავმჯდომარე და საქართველოს ეკლესიის წარმომადგენლები ესწრებოდნენ.