ქვემო ქართლში სახელმწიფო რწმუნებული, შოთა რეხვიაშვილი, კორონა-ვირუსის საწინააღმდეგო ვაქცინით, ქალაქ რუსთავში, მარდალეიშილის სამედიცინო ცენტრში აიცრა და პროცესში აქტიური ჩართულობისკენ მოსახლეობას კიდევ ერთხელ მოუწოდა. 

ქალაქის მასშტაბით, ამ ეტაპზე, ვაქცინაციას 4 სამედიცინო დაწესებულებაში, 9 ამცრელი ბრიგადა, ჯანმრთელობის მსოფლიო ორგანიზაციის მიერ ავტორიზებული ვაქცინებით „სინოფარმით“, „სინოვაკით“, „ასტრაზენეკას” და ,,ფაიზერის“ საშუალებით ახორციელებს. მასობრივი იმუნიზაციის პროცესი აქტიურად მიმდინარეობს ქვემო ქართლის რეგიონის სხვა მუნიციპალიტეტებშიც. 

დღესვე, ქალაქის მერმა, ირაკლი ტაბაღუამ და საზოგადოებრივი ჯანდაცვის რეგიონული სამსახურის ხელმძღვანელმა, დავით ბეგაშვილმა, ადგილობრივ სამედიცინო დაწესებულებებში, ვირუსის მართვის მიზნით მიმდინარე პროცესის მონიტორინგი განახორციელეს.