ქვემო ქართლში სახელმწიფო რწმუნებულის მოადგილე კახა კობერიძემ, საქართველოს წითელი ჯვრის საზოგადოების გენერალურ მდივანთან, ნინო ოსეფაიშვილთან, ონლაინ ფორმატში, სამუშაო შეხვედრა გამართა - ყურადღება გამახვილდა მოსახლეობის  მასობრივი ვაქცინაციის აუცილებლობაზე და საჭირო ღონისძიებების ოპერატიულად გატარების მნიშვნელობაზე.  

შეხვედრის მიმდინარეობისას  მხარეებმა, რეგიონის მასშტაბით, ერთობლივად განსახორციელებელ აქტივობებზე იმსჯელეს. დაიგეგმა კორონა-ვირუსის გავრცელების პრევენციული ღონისძიებებისთვის ფართომასშტაბიანი საინფორმაციო კამპანია და ვაქცინაციისთვის საჭირო რეგისტრაციის პროცესში წითელი ჯვრის მოხალისეთა ჩართულობა.