საქართველოს მთავრობის შესაბამისი განკარგულების საფუძველზე, რუსთავში, 80 ოჯახს, წლების განმავლობაში დაუკანონებელი ფართები, სიმბოლურ ფასად, 1 ლარად, საკუთრებაში გადაეცა.

საცხოვრებელი ფართები, რომელთა დაკანონებაც, ათწლეულების განმავლობაში არ ხერხდებოდა, რუსთავში უკვე 183-მა მიიღო საკუთრებაში.  ამ ეტაპზე, რუსთავის მერიის ქონების მართვის სამსახურში, ფართის დასაკანონებლად საჭირო პროცედურები, კიდევ 161 ოჯახის განაცხადზე მიმდინარეობს.

იმ 80 ოჯახს, კი რომლებსაც ფართების გადაცემის შესახებ დღეს აცნობეს, ბინის კანონიერი მფლობელობისთვის, მხოლოდ საჯარო რეესტრის შესაბამისი რეგისტრაცია დასჭირდებათ.

მთავრობის გადაწყვეტილების შესახებ ინფორმაცია, მოსახლეობას ცენტრალური და ადგილობრივი ხელისუფლების წარმომადგენლებმა დღეს პირადად გააცნეს.