სკოლებში სახელოვნებო წრეები და სპორტული კლუბები განახლდა და საგაზაფხულო არდადეგებიდან დაბრუნებულ ყველა მოსწავლეს შესაძლებლობა აქვს სხვადასხვა არაფორმალურ აქტივობაში ჩაერთოს. 

სასწავლო პროცესის მიმდინარეობის მონიტორინგის ფარგლებში, საქართველოს განათლების, მეცნიერების, კულტურისა და სპორტის მინისტრის პირველი მოადგილე ეკატერინე დგებუაძე და ქვემო ქართლში სახელმწიფო რწმუნებულის მოადგილე კახა კობერიძე, რუსთავისა და მარნეულის საჯარო სკოლებში იმყოფებოდნენ და ადგილზე არსებულ ვითარებას პირადად გაეცნენ.

აღსანიშნავია, რომ ინფექციის გავრცელების რისკის მინიმუმამდე დაყვანის მიზნით, არდადეგებიდან საკლასო ოთახებში დაბრუნებამდე, მასწავლებლებს Covid-ტესტირება ჩაუტარდათ და სკოლები სრულადაა უზრუნველყოფილი ჰიგიენური რესურსებისა და დამცავი საშუალებების მარაგით.