დმანისის მუნიციპალიტეტში, საგანმანათლებლო პროექტის - "დიდგორელი" დასკვნითი ტური გაიმარათა - ისტორიის კონკურსში, საუკეთესო შედეგის მქონე მონაწილეები X-XII კლასის ადგილობრივ მოსწავლეებს შორის გამოვლინდნენ.

ფინალისტების დაჯილდოებაში მონაწილეობა ღონისძიების ორგანიზატორებთან ერთად, მხარდამჭერი სახელმწიფო უწყებებისა და კერძო კომპანიების წარმომადგენლებმა მიიღეს. წარმატებულ მოსწავლეებს სპეციალური პრიზები და სიგელები გადაეცათ ქვემო ქართლში სახელმწიფო რწმუნებულის ადმინისტრაციის, საქართველოს პარლამენტში ბოლნისის, დმანისის, წალკისა და თეთრიწყაროს მაჟორიტარი დეპუტატის ბიუროს, ადგილობრივი მუნიციპალიტეტის და განათლების, კულტურის, მეცნიერების და სპორტის სამინისტროს ზოგადი განათლების დეპარტამენტის წარმომადგენლებისგან.

ქულათა მაქსიმალური რაოდენობის მქონე ფინალისტი პროექტის გენერალური სპონსორის, კომპანია "არემჯის" სტიპენდიანტი გახდა.

მოსწავლეებმა წამახალისებელი, ფასიანი საჩუქრები მიიღეს
ასევე, საქართველოს ეროვნული ბიბლიოთეკის, ნატოსა და ევროკაშირის შესახებ საინფორმაციო ცენტრის, ანდრია პირველწოდებული სახელობის ქართული უნივერსიტეტისგან და „მხატვრის სახლისგან“. წელს „დიდგორელის“ მხარდამჭერები გახდნენ საქართველოს თავდაცვის სამინისტროს თავდაცვის ძალების აღმოსავლეთის სარდლობა, „გოეთეს ინსტიტუტი“ და კულტურული მემკვიდრეობის დაცვის საგენტო.

აღსანიშნავია, რომ ისტორიის კონკურსი "დიდგორელი", 2019 წელს, თეთრიწყაროს მუნიციპალიტეტში, მანგლისისა და თეთრიწყაროს მიტროპოლიტის, ისტორიის მეცნიერებათა დოქტორის მეუფე ანანია ჯაფარიძის მხარდაჭერითა და ჩართულობით დაიწყო.
პროექტი ის­ტო­რი­ით მოს­წავ­ლე-ახალ­გაზ­რდო­ბის მე­ტად და­ინ­ტე­რე­სე­ბა­სა და ზოგადად, მის პო­პუ­ლა­რი­ზა­ცი­ას ისახავს მიზნად.