ქვემო ქართლში სახელმწიფო რწმუნებული, შოთა რეხვიაშვილი, მოადგილეებთან და მუნიციპალიტეტების მერებთან ერთად, საქართველოში აზერბაიჯანის რესპუბლიკის საგანგებო და სრულუფლებიან ელჩს, ფაიგ გულიევს შეხვდა.

გაცნობითი ხასიათის შეხვედრაზე მხარეებმა ურთიერთთანამშრომლობის პერსპექტივები განიხილეს. საუბარი შეეხო რეგიონის მასშტაბით კულტურულ-საგანმანათლებლო, სოციალურ-ეკონომიკური და სხვა პრიორიტეტული მიმართულებებით მიმდინარე და განსახორციელებელ სამუშაობს.

ყურადღება გამახვილდა ორ ქვეყანას შორის არსებული, მაღალი დონის, სტრატეგიული და მეგობრული ურთიერთობების, კიდევ უფრო მეტ, გაღრმავებაზე.

შოთა რეხვიაშვილმა, დიპლომატიური კორპუსის წარმომადგენლებთან დეტალურად ისაუბრა რეგიონის განვითარების ეტაპებზე, არსებულ პოტენციალზე და ეთნიკური მრავალფეროვნებიდან გამომდინარე, შეუქცევადი ინტეგრაციის პროცესზე.