საქართველოს რეგიონული განვითარების და ინფრასტრუქტურის მინისტრის მოადგილე, მზია გიორგობიანი და ქვემო ქართლში სახელმწიფო რწმუნებული, შოთა რეხვიაშვილი ადგილობრივი ხელისუფლების წარმომადგენლებთან ერთად, მარნეულში გაეროს განვითარების ფონდის ორგანიზებით, გამართულ აქტივობებს დაესწრნენ.

ღონისძიების ფარგლებში, გაიმართა ,,ქვემო ქართლის რეგიონში ტურისტული ბიზნესის განვითარება, როგორც სიღარიბის დაძლევის და შემოსავლების გენერირების საშუალება” - პროექტში გამარჯვებულების დაჯილდოების ცერემონია, რომელსაც რეგიონში 2020 წლის იანვრიდან UNDP-ი რეგიონული და ადგილობრივი განვითარების ხელშეწყობის ფარგლებში, შვეიცარიის განვითარების და თანამშრომლობის სააგენტოსა და ავსტრიის განვითარების თანამშრომლობის ფინანსური მხარდაჭერით ახორციელებს.

პროექტის მიზანს რეგიონის მუნიციპალიტეტებში ტურისტული ბიზნესის განვითარება და მოქალაქეებისთვის დამატებითი შემოსავლის წყაროს გაჩენის ხელშეწყობა წარმოადგენს.

ასევე, გაწეული საქმიანობისა და მიღწევების შესახებ პრეზენტაცია გაიმართეს ორგანიზაცია „საქართველოს აზერბაიჯანელ ქალთა კავშირის” წარმომადგენლებმა. პროექტის - „სოფლად მცხოვრები ქალები ინკლუზიური და სამართლიანი ადგილობრივი განვითარებისთვის“ მონაწილეებს კი სერტიფიკატები გადაეცათ.