ქვემო ქართლში სახელმწიფო რწმუნებულმა, შოთა რეხვიაშვილმა, აზერბაიჯანის სახელმწიფო ნავთობკომპანია სოკარი-ს პრეზიდენტ როვნაგ აბდულაევთან და საქართველოში აზერბაიჯანის რესპუბლიკის ახლადდანიშნულ, საგანგებო და სრულუფლებიან ელჩთან, ფაიგ გულიევთან ერთად, მარნეულის მუნიციპალიტეტის სოფელ ილმაზლოში, გაზგამანაწილებელი ქსელის მშენებლობის დაწყების გახსნის ცერემონიალში მიიღო მონაწილეობა.

გაზგამანაწილებელი ქსელი, რომლის სიგრძე 13 145-ია ახლომდებარე დასახლებულ პუნქტებს მოიცავს. პროექტის დასრულების შემდეგ გაზიფიცერებული მოსახლეობის რაოდენობა 250-ით გაზრდება.

ქართული და აზერბაიჯანული მხარის წარმომადგენლებმა სოფელ ყიზილაჯლოში სპორტული კომპლექსის მშენებლობაც გახსნეს და სიმბოლურად კაფსულა ჩააგდეს. მულტიფუნქციურ სპორტულ კომპლექსს კომპანია სოკარი ააშენებს და სახელმწიფოს უსასყიდლოდ გადასცემს.

შენობის ჯამური ფართი 1 157 კვადრატული მეტრია. პროექტი ექსპლუატაციაში 8 თვის შემდეგ შევა - ღირებულება 2,400,000 ლარს შეადგენს.

ასევე, რეგიონისა და ადგილობრივი ხელისუფლების, დიპლომატიური კორპუსისა და ნავთობკომპანიის ხელმძღვანელი პირების ჩართულობით, ოფიციალურად აღინიშნა დმანისის მუნიციპალიტეტის სოფელ ირგანჩაიში, გაზიფიცირების სამუშაოების დასრულება. პროექტის განხორციელების შედეგად, ადგილზე გაზიფიცირებული აბონენტების რაოდენობა 496-ით გაიზარდა. 2020 წლის გეგმის შესაბამისად, ახალი ქსელები შენდება კიდევ 2 სოფელში. საერთო ჯამში, ამ ეტაპზე დმანისის მუნიციპალიტეტში მოსახლეობის 83,1% -ია გაზიფიცირებული.