ქვემო ქართლში სახელმწიფო რწმუნებული, შოთა რეხვიაშვილი გარდაბანი თბოსადგური 1-ის ტერიტორიაზე, ,,ენერგეტიკოსის დღე 2020“-ის ფარგლებში გამართულ ღონისძიებას დაესწრო.

გაიმართა პრეზენტაცია ენერგეტიკის სფეროში განხორციელებული და დაგეგმილი პროექტების შესახებ, რომელიც საქართველოს ეკონომიკისა და მდგრადი განვითარების მინისტრმა ნათია თურნავამ წარმოადგინა.
მინისტრმა პროფესიულ დღესთან დაკავშირებით, ენერგეტიკის დარგში დასაქმებულ 39 თანამშრომელს, რომლებიც წლების განმავლობაში ერთგულად ემსახურებიან არჩეულ პროფესიას, „საქართველოს ელექტროენერგეტიკის დამსახურებული მუშაკის“ საპატიო წოდება მიანიჭა და ენერგეტიკის მუშაკთა პროფესიული კავშირის საპატიო სიგელი გადაეცა.