12 აგვისტოს, ქვემო ქართლში სახელმწიფო რწმუნებულის ადმინისტრაციაში საკონსულტაციო საბჭოს მორიგი სხდომა გაიმართა, რომელსაც ტრადიციულად მხარეში სახელმწიფო რწმუნებული უძღვებოდა. შოთა რეხვიაშვილმა, დღის წესრიგით გათვალისწინებული საკითხების განხილვამდე, საბჭოს წევრებს, ქვეყნის ერთიანობისა და ძლიერების სიმბოლოდ ქცეული თარიღი - დიდგორობის სახალხო დღესასწაული მიულოცა.

სხდომის მიმდინარეობისას, მხარისა და მუნიციპალიტეტების ხელმძღვანელმა პირებმა, რეგიონის განვითარების სამოქმედო გეგმის ცვლილების შესახებ იმსჯელეს. საუბარი შეეხო, საგანმანათლებლო, სარეკრეაციო და საგზაო ინფრასტრუქტურის მოწყობა-რეაბილიტაციის მიმართულებით მიმდინარე სამუშაოებს, რომელიც მუნიციპალიტეტებში ცენტრალური და ადგილობრივი ბიუჯეტის ერთობლივი დაფინანსებით ხორციელდება.