ქვემო ქართლში სახელმწიფო რწმუნებულის, შოთა რეხვიაშვილის ხელმძღვანელობით, სამხარეო ადმინისტრაციაში „გადაჭრილი გორის“ განვითარების კონცეფციაზე იმსჯელეს.

სამუშაო შეხვედრას რეგიონში სახელმწიფო რწმუნებულის მოადგილეები, მარნეულის მუნიციპალიტეტის მერი, კულტურული მემკვიდრეობისა და ტურიზმის ეროვნული ადმინისტრაციის, ეროვნული მუზეუმის, ღვინის ეროვნული სააგენტოსა და ასოციაცია ქართული ღვინის  წარმომადგენლები დაესწრნენ.

მხარეებმა დიალოგის რეჟიმში განიხილეს, მარნეულის მუნიციპალიტეტში არსებული მსოფლიო მნიშვნელობის აღმოჩენის - „გადაჭრილი გორის“ დაცვისა და შემდგომი განვითარება-პოპულარიზაციის მიზნით განსახორციელებელი სამუშაოები. ამ ეტაპზე პირველი რიგის საჭიროება ძეგლის ერთ სირცეში მოქცევა და ადგილზე შესაბამისი ინფრასტრუქტურის მოწყობაა.

შეხვედრის მიმდინარეობისას, დაიგეგმა ცენტრალური უწყებების ჩართულობით, ერთობლივად განსახორციელებელი კონკრეტული ღონისძიებები.