ღია შეხვედრების ფარგლებში, ცენტრალური და ადგილობრივი ხელისუფლების წარმომადგენლები დღეს, მარნეულის მუნიციპალიტეტში, დამია-გეურარხისა და შულავერის ადმინისტრაციულ ერთეულში შემავალ სოფლებში ჩავიდნენ და ადგილობრივი მოსახლეობის საჭიროებები მოისმინეს.

ხელისუფლების წარმომადგენლებმა სოფლებში, ამ ეტაპისთვის არსებულ გამოწვევებზე ისაუბრეს და გადაჭრის გზებზე ერთობლივად იმსჯელეს.
ღია შეხვედრის ფორმატის ფარგლებში, მოქალაქეების მხრიდან ძირითად საჭიროებად საბაზისო ინფრასტრუქტურის მოწესრიგება დასახელდა, რაც მუნიციპალიტეტის მომავალი წლების ბიუჯეტში იქნება ასახული.

მოსახლეობასთან ღია შეხვედრები, მარნეულის მასშტაბით მომავალ დღეებშიც გაიმართება.