ქვემო ქართლში სახელმწიფო რწმუნებული, შოთა რეხვიაშვილი ცენტრალური და ადგილობრივი ხელისუფლების წარმომადგენლებთან ერთად, „გარდაბნობა 2019”-ის ფარგლებში გამართულ ღონისძიებებს დაესწრო.

სახალხო დღესასწაულისთვის, ადგილობრივმა მხატვრებმა, ხელოვანებმა და ხალხური რეწვის ოსტატებმა, საგამოფენო პავილიონებში საკუთარ შემოქმედება წარმოადგინეს. მოეწყო საბავშვო გასართობი სივრცეები. მაყურებლის წინაშე საკონცერტო ნომრებით ქართული ესტრადის ახალგაზრდა შემსრულებლები და გარდაბნის ფოლკლორულ-ქორეოგრაფიული ანსამბლები წარდგნენ.

ღონისძიების ფარგლებში დაჯილდოვდნენ გარდაბნის საპატიო მოქალაქეები, რომელთაც სპეციალური სიგელები და სიმბოლური საჩუქრები ქვემო ქართლში სახელმწიფო რწმუნებულმა, შოთა რეხვიაშვილმა, მუნიციპალიტეტის მერმა, რამაზ ბუდაღაშვილმა და პარლამენტში გარდაბნის მაჟორიტარმა დეპუტატებმა, სავალან მირზოევმა და გოდერძი ჩანქსელიანმა გადასცეს.