ქვემო ქართლში სახელმწიფო რწმუნებული, შოთა რეხვიაშვილი, მოადგილეებთან და მარნეულის მერთად ერთად, USAID-ის პროექტის Zrda-ს დირექტორს, ბრაიან კინგს და ორგანიზაციის წარმომადგენლებს შეხვდა.

სამუშაო შეხვედრის ფარგლებში, მხარეებმა, მარნეულის მუნიციპალიტეტში, გადაჭრილი გორის პოპულარიზაციისა და ტურისტული ინფრასტრუქტურის მოწყობა-განვითარების კონცეფცია განიხილეს. დაისახა ურთიერთთანამშრომლობის სამომავლო გეგმები.

აღსანიშნავია, რომ ამერიკის საერთაშორისო განვითარების სააგენტოს მიერ დაფინანსებული 5 წლიანი პროგრამა ,,ზრდა საქართველოში“, რეგიონებში კომპლექსური მიდგომის გამოყენებით ტურიზმის განვითარებას ისახავს მიზნად.