30 იანვარს, რუსთავის #4 საჯარო სკოლაში 2016-2017 სასწავლო წლის კურსდამთავრებული, ოქროსა და ვერცხლის მედალოსნები დააჯილდოეს.

ღონისძიებაზე, საქართველოს პარლამენტში რუსთავის მაჟორიტარი დეპუტატი, პაატა მხეიძე, ქვემო ქართლში სახელმწიფო რწმუნებულის მოადგილე, კახა კობერიძე, საკრებულოს თავმჯდომარე, ლევან ონიანი, საგანმანათლებლო რესურსცენტრის ხელმძღვანელი, სკოლის დირექტორები და სხვა მიწვეული სტუმრები იმყოფებოდნენ.

მედალოსნების დაჯიოლდოებაში ცენტრალური და ადგილობრივი ხელისუფლების წარმომადგენლებმა მიიღეს მონაწილეობა და ახალგაზრდებს წარმატებები უსურვეს.

აღსანიშნავია, რომ ღონისძიების ფარგლებში სულ 78 კურსდამთავრებული დაჯილდოვდა, მათგან 57 ოქროს, ხოლო 21 კი ვერცხლის მედალოსანია.