16 მარტს, ქვემო ქართლში სახელმწიფო რწმუნებულმა-გუბერნატორმა, გრიგოლ ნემსაძემ, შვეიცარიის დიპლომატიური კორპუსის წარმომადგენლებს უმასპინძლა. 

დელეგაციის წევრები, რუსთავში, ადგილზე გაეცნენ შვეიცარიის სახელმწიფოს მიერ დაფინანსებული და მერსი ქორფსის მიერ განხორციელებული კავკასიის ალიანსების პროგრამის საქმიანობას. მათ შორის ბიოუსაფრთხოების პუნქტს და რუსთავში არსებულ რძის საწარმო ,,მილკენს“.

გრიგოლ ნემსაძემ, შეხვედრის მიმდინარეობისას, ყურადღება გაამახვილა რეგიონში ბიოუსაფრთხოების პუნქტის ფუნქციონირების მნიშვნელობაზე და სტუმრებს დეტალური ინფორმაცია მიაწოდა თუ როგორ ხდება პირუტყვის დაავადებათა პრევენცია ამ პუნქტის მეშვეობით. 

აღსანიშნავია, რომ დელეგაციის შემადგენლობაში არიან შვეიცარიის საგანგებო და სრულუფლებიანი ელჩები სხვადასხვა ქვეყნებში.