ქვემო ქართლში სახელმწიფო რწმუნებულმა-გუბერნატორმა, სოფელ კასუმლოს მოსახლეობასთან შეხვედრა გამართა, რომელსაც გუბერნატორის მოადგილეები, ალექსანდრე მეტრეველი, ზაურ დარგალი, მარნეულის მუნიციპალიტეტის მერი, თემურ აბაზოვი და ადგილობრივი ხელისუფლების სხვა წარმომადგენლები დაესწრნენ. 

ადგილობრივებმა სოფელში არსებული ინფრასტრუქტურის, კიდევ უფრო მეტად, განვითარების საჭიროებაზე ისაუბრეს და გუბერნატორისგან ადგილზე უახლოეს პერიოდში დაგეგმილი პროექტების შესახებ მოისმინეს ინფორმაცია. 

აღსანიშნავია, რომ მიმდინარე წელს, სოფელ კასუმლოში, დაგეგმილია სარწყავი არხის მოწყობა, პროექტისთვის ადგილობრივი ბიუჯეტიდან გამოყოფილია 10 000 ლარი. მოსახლეობის ინტერესების გათვალისწინებით ადგილზე მოეწყობა გარე განათების სისტემებიც.