ქვემო ქართლის გუბერნატორი მოსახლეობასთან შეხვედრებს აქტიურად განაგრძობს.

გრიგოლ ნემსაძე, პირველ მოადგილესთან ერთად, ამჯერად წალკის მუნიციპალიტეტის სოფელ კიზილკილისას მცხოვრებლებს შეხვდა.

ადგილობრივები რეგიონის პირველ პირს, დასახლებაში არსებულ საჭიროებებზე ესაუბრნენ და ხელისუფლების წარმომადგენლებისგან დეტალური ინფორმაცია მოისმინეს სოფელში განსახორციელებელი პროექტების შესახებ.

აღსანიშნავია, რომ 2018 წელს წალკის მუნიციპლაიტეტში ცენტრალური და ადგილობრივი ხელისუფლების ერთობლივი ძალისხმევით 67 პროექტის განხორციელება იგეგმება. პრიორიტეტულ მიმართულებებად კვლავ სააღმზრდელო დაწესებულებების მშენებლობა, საგზაო ინფრასტრუქტურის მოწყობა და სოფლების ბუნებრივი აირითა და სასმელი წყლით უზრუნველყოფა წარმოადგენს.

სოფელ კიზილკილისაში უკვე დასასრულს უახლოვდება საბავშო ბაღის მშენებლობა. პროექტისთვის გამოყოფილია 200 ათას ლარზე მეტი.