ქვემო ქართლში სახელმწიფო რწმუნებული-გუბერნატორი, გრიგოლ ნემსაძე აგრძელებს რეგიონის მასშტაბით მოსახლეობასთან შეხვედრებს. 

ამჟამად, გუბერნატორი წალკის მუნიციპალიტეტის სოფელ კოხტას მოსახლეობას შევხვდა და ადგილზე არსებული საჭიროებები მოისმინა.

გრიგოლ ნემსაძემ ადგილობრივებს შეხვედრისას ის პრიორიტეტული მიმართულებები გააცნო, რომელის საფძველზეც მიმდინარე წელს მუნიციპალიტეტში მნიშვნელოვანი პროექტები განხორციელდება. 

უახლოეს პერიოდში, სოფელ კოხტაში ახალი, თანამედროვე სტანდარტების შესაბამისი საბავშვო ბაღი დაიწყებს ფუნქციონირებას. მოსახლეობის თხოვნის შესაბამისად მოწესრიგდება შიდა სასოფლო გზები. 

აღსანიშნავია, რომ ადგილზე მნიშვნელოვნად გაუმჯობესდა მდგომარეობა მოსახლეობის წყალმომარაგებით უზრუნველყოფის მიმართულებით.