მოსახლეობასთან შეხვედრის ფარგლებში, გრიგოლ ნემსაძე დმანისის მუნიციპალიტეტის ხელმძღვანელ პირებთან ერთად, სოფელ პატარა დმანისშიც იმყოფებოდა.

გუბერნატორმა სოფლის მცხოვრებლებისგან ის საჭიროებები მოსიმინა, რომელთა გათვალისწინებაც რეგიონის განვითარების 2019-21 წლების სამოქმედო გეგმაში მოხდება.

გრიგოლ ნემსაძემ, პატარა დმანისის მცხოვრებლებს, უკვე დაგეგმილი და მიმდინარე წელს, განსახორციელებელი პროექტებიც გააცნო. 

იგეგმება ფონიჭალა-მარნეული-გუგუთის საერთაშორისო გზიდან, სოფელ პატარა დმანისში არქეოლოგიური ექსპედიციის ბაზამდე, მისასვლელი გზის მოასფალტება და სანიაღვრე არხის მოწყობა, ღირებულებით-279 300 ლარი.

აღნიშნული პროექტის განხორციელების შედეგად, მოხდება არქეოლოგიური ექსპედიციის ბაზამდე ტურისტებისა და დამსვენებლების კომფორტული გადაადგილებისთვის აუცილებელი პირობების შექმნა.

იგეგმება ბუნებრივი აირისა და წყალმომარაგების ქსელის მოწყობა. 

➡️სოფელში უკვე ჩატარდა სარიტუალო დარბაზის რეაბილიტაცია.

➡️მოწესრიგდა მდინარე მაშავერაზე გადასასვლელი ხიდი და შიდა გზები.

აღსანიშნავია, რომ ქვემო ქართლის გუბერნატორი, გრიგოლ ნემსაძე მოსახლეობასთან შეხვედრებს ეტაპობრივად რეგიონის ყველა მუნიციპალიტეტში გამართავს.