26 ოქტომბერს, ქვემო ქართლში სახელმწიფო რწმუნებულის-გუბერნატორის მოადგილემ, კახა კობერიძემ, ცენტრალური და ადგილობრივი ხელისუფლების წარმომადგენლებთან ერთად, რუსთავის #21 საჯარო სკოლაში წარჩინებული, ქვემო ქართლელი, მოსწავლეები დააჯილდოვა.

რეგიონის მასშტაბით, პერსონალური კომპიუტერი, სულ 174 წარჩინებულ მოსწავლეს გადაეცა, რომლებმაც განათლების საბაზისო კურსი უმაღლესი შეფასებით დაასრულეს.

აღსანიშნავია, რომ სტატისტიკა მზარდია და ბოლო სამი წლის განმავლობაში მაღალი აკადემიური მოსწრების მქონე მოსწავლეების რიცხვი ფაქტობრივად გაორმაგდა.