19 ოქტომბერს რუსთავის მუნიციპალურ თეატრში  გიგა ლორთქიფანიძის 90 წლისთავისადმი მიძღვნილი, ცხოვრებისა და შემოქმედების ამსახველი, ფოტო გამოფენა გაიხსნა.გაიმართა რეჟისორის მიერ გადაღებული ფილმებიდან ეპიზოდების ჩვენებაც. 
ღონისძიებას ქვემო ქართლში სახელმწიფო რწმუნებულის-გუბერნატორის მოადგილე კახა კობერიძე, რუსთავის მერის მოადგილე დავით ლობჟანიძე,  ქალაქის საკრებულოს თავმჯდომარე დავით მაღლაკელიძე, საკრებულოს წევრები, რეჟისორის ოჯახის წევრები და საზოგადოების ცნობილი წარმომადგენლები დაესწრნენ.

აღსანიშნავია, რომ წელს გიგა ლორთქიფანიძის სახელობის რუსთავის მუნიციპალურ თეატრი 50 წლის იუბილეს ზეიმობს. საიუბილეო ღონისძიებების აღნიშვნა კი დამფუძნებელი რეჟისორის ფოტო გამოფენით დაიწყო. გამოფენა ერთ თვეს გასტანს.