18 სექტემბერს, ქვემო ქართლში სახელმწიფო რწმუნებულის-გუბერნატორის მოადგილე, კახა კობერიძე რუსთავში, მუნიციპალიტეტის ხელმძღვანელ პირებთან ერთად ჭყონდიდელის დასახლებაში მდებარე #41 საბავშვო ბაგა-ბაღში  ენერგოეფექტური რეაბილიტაციის პროექტის ფარგლებში შესრულებულ სამუშაობს გაეცნო.

ევროკავშირისა და ქალაქ რუსთავის მუნიციპალიტეტის მხარდაჭერითა და დაფინანსებით, ააიპ „მდგრადი განვითარების და პოლიტიკის (SDAP) ცენტრმა“, 2015-2017 წლებში, ევროკავშირისა და მერების შეთანხმების „სადემონსტრაციო პროექტების“ (CoMDeP) ევროკავშირის სამეზობლო პოლიტიკის ფარგლებში, განახორციელა
808 765 ევროს ღირებულების პროექტი, რომელიც მიზნად ისახავდა ქალაქ რუსთავში #6, #40 და #41 საბავშვო ბაღების თანამედროვე ენერგოეფექტური ტექნოლოგიებით და სისტემებით აღჭურვას.

სამუშაოები ევროკავშირმა 646 527, ხოლო რუსთავის მერიამ 162 238 ევროთი დაააფინანსა.