ქვემო ქართლში სახელმწიფო რწმუნებული შოთა რეხვიაშვილი, დმანისის მუნიციპალიტეტში პროექტების მონიტორინგის ფარგლებში, ინფრასტრუქტურული სამუშაოების მიმდინარეობას  გაეცნო. 

ამ ეტაპზე, მუნიციპალიტეტის მასშტაბით, ცენტრალური და ადგილობრივი ბიუჯეტის ერთობლივი დაფინანსებით 1 700 000 ლარის ღირებულების, 5 საბავშვო ბაღის რეაბილიტაცია ხორციელდება. სამუშაოების დასრულების შემდეგ, სააღმზრდელო დაწესებულებები თანამედროვე სტანდარტების შესაბამისად მოეწყობა და ექსპლუატაციაში ახალი სასწავლო წლისთვის შევა. 
მუნიციპალიტეტის სოფლებში ასევე, აქტიურად მიმდინარეობს სპორტული ინფრასტრუქტურის მოწყობა-რეაბილიტაციისა და სარიტუალო დარბაზების მშენებლობის პროცესი. 

აღასანიშნავია, რომ წელს, დმანისის მუნიციპალიტეტში, საბაზისო ინფრასტრუქტურის მოწყობის მიმართულებით, სულ 9 000 000 ლარის ღირებულების პროექტები განხორციელდება.