პირველად 4 ათეული წლის შემდეგ, დმანისის მუნიციპალიტეტის 7 სოფლის 7 ათასამდე ბენეფიციარი, უახლოეს პერიოდში, ხარისხიანი წყალმომარაგებით ისარგებლებს.

პროექტი სოფელ მთისძირში წყლის სათავე ნაგებობის, შემკრები რეზერვუარისა და მაგისტრალის ხაზის მოწყობის სამუშაოების განხორციელებას ითვალისწინებს - ღირებულება 600 000 ლარს შეადგენს, რომელიც სრულად ადგილობრივი ბიუჯეტიდან ფინანსდება.

პროექტის დასკვნითი ეტაპის მიმდინარეობას ქვემო ქართლში სახელმწიფო რწმუნებული, შოთა რეხვიაშვილი, პირველ მოადგილესთან ერთად გაეცნო და სამუშაოების მწარმოებელი კომპანიის წარმომადგენლებს გაესაუბრა.