ქვემო ქართლში სახელმწიფო რწმუნებულის პირველმა მოადგილემ, ზვიად ჭუნაშვილმა და ბოლნისის მერმა, დავით შერზადიშვილმა, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარე ინფრასტრუქტურული სამუშაოები, მუნიციპალიტეტის წარმომადგენლებთან ერთად, მოინახულეს.

ამ ეტაპზე, ქალაქ ბოლნისში, რამდენიმე კოლაციაზე, აქტიურად ხორციელდება ცენტრალური ნაწილის ძველი იერ-სახით აღდგენის პროცესი - მიმდინარე სამუშაოები მერაბ კოსტავას, იაკობ ცურტაველის, შოთა რუსთაველის და ფარნავაზ მეფის ქუჩებზე ქვაფენილის დაგებას და ღობე-გალავნების რეაბილიტაციას ითვალისწინებს. წლის განმავლობაში საავტომობილო გზა მოეწყობა ისეთ სოფლებშიც სადაც შესაბამისი ინფრასტრუქტურა ამ დრომდე არ მოწესრიგებულა - სამუშაოები სოფელ ბალიჭში, ნახიდურში, ტალავერსა და ქვემო ბოლნისში განხორცილდება.

აღსანიშნავია, რომ წელს რეგ.ფონდიდან ბოლნისის მუნიციპალიტეტში 4 385 353 ლარის ღირებულების 8 ინფრასტრუქტურული პროექტი განხორციელდება, სამუშაოების შესრულების პროცესში, ადგილობრივი ბიუჯეტის თანადაფინანსება 247 647 ლარს შეადგენს.