გარდაბნის 6 სოფლის წყალმომარაგებისთვის სისტემების მშენებლობა ვადაზე ადრე დასრულდება ინფრასტრუქტურის სამინისტროს წყალმომარაგების კომპანია გარდაბნის ექვსი სოფლის წყალმომარაგებისთვის სისტემების მშენებლობას აქტიურად აგრძელებს. სამუშაოების დასრულების შემდეგ, სოფლების - ზემო და ქვემო თელეთის, ახალწყალის, წალასყურის, მუხრანთელეთისა და კუმისის 15 000 მოსახლე უწყვეტი წყალმომარაგებით პირველად ისარგებლებს. პროექტის მიმდინარეობას ინფრასტრუქტურის მინისტრისა და ქვემო ქართლში სახელმწიფო რწმუნებულის პირველი მოადგილეები - ილია ბეგიაშვილი და ზვიად ჭუნაშვილი, ადგილობრივი ხელისუფლებისა და წყალმომარაგების კომპანიის თანამშრომლებთან ერთად გაეცნენ. აღსანიშნავია, რომ პროექტის დასრულების შემდეგ, გარდაბანის მუნიციპალიტეტის ექვსი სოფელი, სადაც წყალმომარაგების სისტემები დღემდე არ არსებობს, მაღალი სტანდარტით დამუშავებული წყლით, 24 საათიან რეჟიმში, მომარაგდება.