ქვემო ქართლში სახელმწიფო რწმუნებული, შოთა რეხვიაშვილი, დმანისში საგანგებო სიტუაციების კოორდინაციის და გადაუდებელი დახმარების ცენტრის, სასწრაფო დახმარების  ფილიალის გახსნას დაესწრო. 

საერთაშორისო სტანდარტების შესაბამისი ცენტრი სასწრაფო სამედიცინო დახმარების სპეციფიკის გათვალისწინებითაა დაპროექტებული და ადგილზე პერსონალისთვის სამუშაო და მოსასვენებელი ყველა პირობაა შექმნილი. 

ადმინისტრაციული შენობა, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაურმა, საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ალექსანდრე კალანდიამ, ქვემო ქართლის რეგიონში სახელმწიფო რწმუნებულ  შოთა რეხვიაშვილთან ერთად მოინახულა.

სასწრაფო სამედიცინო დახმარების ცენტრების მშენებლობის პროექტს რეგიონული განვითარებისა და ინფრასტრუქტურის სამინისტრო ადგილობრივი თვითმმართველობის ორგანოებთან ერთად ახორციელებს.

აღსანიშნავია, რომ ქვემო ქართლის რეგიონის მასშტაბით, დმანისის საგანგებო სიტუაციების კოორდინაციის და გადაუდებელი დახმარების ცენტრი რიგით მეექვსე ახალი შენობაა -  უახლოეს მომავალში ექსპლუატაციაში შევა დამატებით კიდევ 5 ობიექტი.