საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
07 მარტი 2021
ქვემო ქართლში სახელმწიფო რწმუნებული შოთა რეხვიაშვილი, ცენტრალური და ადგილობრივი ხელისუფლების წარმომადგენლებთან ერთად, რუსთავში, ისტორიული უბნის - რუსთაველის ქუჩის რეაბილიტაციის დაწყების პროცესს დაესწრო.
პროექტის შესახებ, პრეზენტაციის ფორმატში რუსთავისა და გარდაბნის მაჟორიტარმა დეპუტატმა ნინო ლაცაბიძემ ისაუბრა - სამუშაობის განხორციელების ეტაპებსა და მნიშვნელობაზე გაამახვილეს ყურადღება რეგიონული განვითარების და ინფრასტრუქტურის მინისტრის მიადგილე ილია ბეგიაშვილმა, ქვემო ქართლში სახელმწიფო რწმუნებულმა შოთა რეხვიაშვილმა და ქალაქის მერმა ირაკლი ტაბაღუამ.
პროექტის ფარგლებში, სრულად აღდგება რუსთაველის ქუჩის #4, #8, #12, #16 და ჭავჭავაძის ქუჩის #6, #8 საცხოვრებელი ბინების ფასადები და დამონტაჟდება დეკორატიული განათებები, ასევე მოხდება მიმდებარე ტერიტორიის კეთილმოწყობა - დეკორატიული ფილებით, მოეწყობა დაწნეხილი ბეტონის ბორდიურები, გაზონები და სარწყავი სისტემა, გზის სავალ ნაწილსა და საფეხმავლო ბილიკებს შორის, განთავსდება ლითონის დეკორატიული ღობე, განახლდება გარე განათების ქსელი.
პროექტის სახელშეკრულებო ღირებულება 2 მლნ 400 000 ლარია. რუსთაველის ქუჩის რეაბილიტაცია რეგიონული განვითარების ფონდისა და ადგილობრივი ბიუჯეტის ერთობლივი თანადაფინანსებით ხორციელდება. სამუშაოების დასრულება მიმდინარე წლის სექტემბერშია დაგეგმილი.