სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

ინფრასტრუქტურული პროექტები თეთრიწყაროს მუნიციპალიტეტში

14 სექტემბერი 2020


ქვემო ქართლში სახელმწიფო რწმუნებულმა, შოთა რეხვიაშვილმა, სამხარეო ადმინისტრაციისა და მუნიციპალიტეტის ხელმძღვანელ პირებთან ერთად, თეთრიწყაროში უკვე დასრულებული და მიმდინარე ინფრასტრუქტურული პროექტები დაათვალიერა.

საუკუნის პროექტი ხორციელდება სოფელ ჯორჯიაშვილსა და ბოგვში, სადაც მოსახლეობის წყალმომარაგებით უზრუნველყოფის მიმართულბით მასშტაბური სამუშაოები მიმდინარეობს - შედეგად, უახლოეს პერიოდში, ორი სოფლის 1500 - მდე ბენეფიციარი 24 საათიანი წყალმომარაგებით ისარგებლებს.

პროექტი რეგიონებში განსახორციელებელი პროექტების ფონდის მიერაა დაფინანსებული და მისი ღირებულება 2 466 323 ლარს შეადგენს, რომლის ფარგლებში უკვე მოეწყო ცენტრალური მაგისტრალი და შიდა ქსელები, ასევე მრიცხველები, ამ ეტაპზე მიმდინარეობს წყლის დრენაჟის, საქაჩი საქლორატორო ნაგებობების და რეზერვუარის სამშენებლო სამუშაოები.

საქართველოს გაზის ტრანსპორტირების კომპანია მთავრობის შესაბამისი განკარგულების საფუძველზე, მასშტაბურ სამშენებლო სამუშაოებს ახორციელდებს დაბა მანგლისში. პროექტის მიხედვით შენდება 34 150 გრძივი მეტრის მკვებავი და ეწყობა 48 273 გრძივი მეტრი გაზსადენის ქსელი. რის შედეგადაც 1 558 აბონენტს საშუალება მიეცემა ისარგებლოს ბუნებრივი აირით. სამუშაოების ღირებულება 11 მილიონ 500 ათას ლარს შეადგენს.

ახალ სასწავლო წელს თეთრიწყაროს მუნიციპალიტეტის სოფელ ენაგეთისა და საღრაშენის საჯარო სკოლის მოსწავლეები განახლებულ გარემო დაიწყებენ სწავლას. სკოლები საერთაშორისო სტანდარტების შესაბამისად მოეწყო და სრულადაა ადაპტირებული განსაკუთრებული საჭიროების მქონე პირთათვის. პროექტის ფარგლებში შენობებში მოეწყო საკლასო ოთახები, საპირფარეშოები, სპორტული მოედნები და კეთილმოეწყო ეზოს ტერიტორია. ასევე, დამონტაჟდება გათბობის, წყალსადენის და კანალიზაციის სისტემები.
სამუშაოები რეგიონული განვითარებისა და ინფრასტრუქტურის სამინისტროს მიერაა დაფინანსებული და მათი სახელშეკრულებო ღირებულება 2 102 194 ლარს შეადგენს. ასევე სამინისტროს დაფინანსებით სკოლები შენდება თეთრიწყაროს მუნიციპალიტეტის სოფელ ჯვარასა და ჩხიკვთაში.

ცენტრალური და ადგილობრივი ხელისუფლების წარმომადგენლები, პროექტების მონიტორინგის ფარგლებში მუნიციპალიტეტში საგზაო ინფრასტრუქტურის მოწყობის მიმართულებით მიმდინარე სამუშაოებსაც გაეცნენ, რომლის ფარგლებში სოფლებში შიდა საუბნო გზების რეაბილიტაცია მიმდინარეობს.


  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში
  • ინფრასტრუქტურული პროექტები თეთრიწყაროს მუნიციპალიტეტში