ქალაქ დმანისში, ცენტრალური სკვერის მიმდებარე ტერიტორიაზე, ტურიზმის საინფორმაციო ცენტრი გაიხსნა, რომელიც შიდა და საერთაშორისო ვიზიტორებს რეგიონში არსებული ტურისტული ღირსშესანიშნაობებისა და მარშრუტების შესახებ ამომწურავ ინფორმაციას მიაწოდებს. პროექტი ადგილობრივი ბიუჯეტიდან 89 979 ლარით დაფინანსდა. თანამედროვე სტანდარტების შესაბამისი სივრცე ქვემო ქართლში სახელმწიფო რწმუნებულმა, შოთა რეხვიაშვილმა, მუნიციპალიტეტის მერთად ერთად გახსნა.

ტურისტული მნიშვნელობის გზის მოასფალტება სრულდება, ფონიჭალა-მარნეული-გუგუთის საერთაშორისო გზიდან, სოფელ პატარა დმანისამდე.
პროექტის ფარგლებში მიმდინარეობს დმანისის სიონამდე მისასვლელი გზის მოწყობის ბოლო ეტაპის სამუშაოები. დმანისის ნაქალაქარის მიმდებარედ მოეწყო საპარკინგე და საპიკნიკე სივრცეები, ტერიტორია ადაპტირდება განსაკუთრებული საჭიროების მქონე პირებისთვის.