მოსახლეობასთან ღია დიალოგის ფარგლებში გაჟღერებული საჭიროებების შესაბამისად, ქვემო ქართლში სამხარეო ადმინისტრაციისა და მუნიციპალიტეტის ერთობლივი ძალისხმევით, სოფელ ქვეშსა და კიანეთში სასმელი წყლის სისტემის დაზიანებული მონაკვეთების რეაბილიტაცია მიმდინარეობს.

ხელისუფლების წარმომადგენლების შუამდგომლობით, გაერთიანებული წყალმომარაგების კომპანიამ პრობლემაზე ოპერატიული რეაგირება მოახდინა - სპეციალურმა ჯგუფებმა სოფელ ქვეშში შესაბამისი სამუშაოები უკვე განახორციელეს, კიანეთის მცხოვრებლები კი სასმელ წყალს შეფერხების გარეშე ხვალიდან მიიღებენ.