რუსთავს კიდევ ერთი ახალი თანამედროვე სტანდარტების შესაბამისი რეკრეაციული სივრცე შეემატა. თეატრის მიმდებარედ, ზვიად გამსახურდიას სახელობის სკვერი, ქვემო ქართლში სახელმწიფო რწმუნებულმა, შოთა რეხვიაშვილმა და ქალაქის მერმა, ირაკლი ტაბაღუამ გახსნეს.

ღონისძიებას პარლამენტში რუსთავის მაჟორიტარი დეპუტატი პაატა მხეიძე, სახელმწიფო რწმუნებულის მოადგილე ზვიად ჭუნაშვილი, ადგილობრივი ხელისუფლების წარმომადგენლები და ქალაქის მცხოვრებლები დაესწრნენ.

პროექტი, რეგიონული განვითარების ფონდისა და ადგილობრივი ბიუჯეტის თანადაფინანსებით განხორციელდა, რომლის ფარგლებში, ბეტონის ფილებით მოპირკეთდა ბილიკები და ტროტუარები, დამონტაჟდა გარე განათების სისტემები, დაიგო მწვანე საფარი და მოეწყო სარწყავი ქსელი.