ქვემო ქართლში სახელმწიფო რწმუნებულმა, შოთა რეხვიაშვილმა, პირველ მოადგილესთან და მარნეულის მუნიციპალიტეტის ხელმძღვანელ პირებთან ერთად, სოფელ წერეთელსა და თაქალოში ახლადმოწყობილი, ხელოვნურსაფარიანი, კომბინირებული მინი საფეხბურთო მოედნები დაათვალიერა და ახალგაზრდებს გაესაუბრა. 

სპორტული ინფრასტრუქტურის მოწყობა ადგილობრივი ახალგაზრდებისთვის ერთ-ერთ მნიშვნელოვან პრიორიტეტს წარმოადგენდა. აღნიშნული პროექტების განსახორციელებლად ადგილობრივი ბიუჯეტიდან 152 820 ლარი დაიხარჯა.