ქვემო ქართლში სახელმწიფო რწმუნებული, მარნეულის მუნიციპალიტეტში სკვერების მოწყობა-რეაბილიტაციის პროცესს გაეცნო.

შოთა რეხვიაშვილმა, პირველ მოადგილესთან, ზვიად ჭუნაშვილთან და მარნეულის მერის მოვალეობის შემსრულებელთან, ზაურ ტაბატაძესთან ერთად, პირადად მოინახულა მონუმენტური ძეგლის „კიდევაც დაიზრდებიან“ მიმდებარედ, სკვერის სარეაბილიტაციო სამუშაოები. პროექტის ფარგლებში მოხდება ტერიტორიაზე თანამედროვე დიზაინის ინფრასტრუქტურის მოწყობა, რისთვისაც ბიუჯეტში მილიონ ლარზე მეტი თანხაა გათვალისწინებული. 

აღსანიშნავია, რომ სკულპტურული მემორიალი, ქართული ქანდაკების თვალსაჩინო ნამუშევარს წარმოადგენს და მინიჭებული აქვს კულტურული მემკვიდრეობის უძრავი ძეგლის სტატუსი. 

აქტიურად მიმდინარეობს 9 აპრილის სახელობის სკვერის ეკონსტრუქცია-რეაბილიტაციისსამუშაოები სოფელ წერეთლშიც, რომლის განხორციელების იდეა, პროექტის ,,სამოქალაქო ბიუჯეტის ფარგლებში“ შემუშავდა. მოხდა ტერიტორიის ისტირიულ და თანამედროვე ზონებად გამიჯვნა. პირველ სივრცეში განხორციელდა მემორიალის რესტავრაცია და მოპირკეთება. ადგილზე, ამ ეტაპზე, მიმდინარეობს შემეცნებითი და გასართობი, თანამედროვე სტანდარტების შესაბამისი, ტერიტორიის მოწყობა. პროექტისთვის თანხა ადგილობრივი ბიუჯეტიდან გამოიყო, რომლის სახელშეკრულებო ღირებულება 165 498 ლარია.