11 სექტემბერს, ქვემო ქართლის გუბერნატორმა, თეთრიწყაროს მუნიციპალიტეტის სოფელ ჭივჭავსა და გოლთეთში ახალი სპორტული მოედნები გახსნა. შოთა რეხვიაშვილმა განახლებული ინფრასტრუქტურა დაათვალიერა და ახალგაზრდებს მათ საჭიროებებზე გაესაუბრა. 

სოფელ გოლთეთში განხორციელებული სარეაბილიტაციო პროექტი, წლების განმავლობაში ერთ-ერთ მთავარ პრიორიტეტს წარმოადგენდა. სამუშაოები ადგილობრივი ბიუჯეტიდან დაფინანსდა, რომლის ღირებულებამაც 36 171 ლარი შეადგინა. 

თეთრიწყაროს მუნიციპალიტეტმა 54 406 ლარით დააფინანსა სოფელ ჭივჭავში ახალი კომბინირებული სპორტული სტადიონის მშენებლობაც.

აღსანიშნავია, რომ განხორციელებული პროექტების შედეგად, შესაძლებელი გახდა ადგილზე სხვადასხვა სპორტული ღონისძიებების დაგეგმვა-განხორციელება, რაც ხელს შეუწყობს ახალგაზრდებში სპორტის პოპულარიზაციას და ცხოვრების ჯანსაღი წესის დამკვიდრებას.