24 ივლისს, ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, მოადგილესთან და მარნეულის მუნიციპალიტეტის ხელმძღვანელ პირებთან ერთად, სოფელ იმირში, სასმელი წყლის ჭაბურღილი და სატუმბი სადგური დაათვალიერა.

აღნიშნული პროექტის განხორციელების შემდეგ, მარნეულის მუნიციპალიტეტში, წლების განმავლობაში არსებული პრობლემა მოგვარდა, რომლის შედეგადაც სასმელი წყლით უზრუნველყოფილია 17 სოფელი, ჯამში კი 2533 აბონენტი.

ადგილზე სამუშაოები  რეგიონალური განვითარების ფონდის თანადაფინანსებით განხორციელდა, ღირებულებით  506 949 ლარი.