წიგნის საჯაროდ კითხვის მსოფლიო დღე ბოლნისში დიდი ქართველი მწერლისა და პოლიტიკური მოღვაწის სულხან-საბა ორბელიანის მშობლიურ სოფელში, ტანძიაში აღინიშნა.

თეატრალური დასის მსახიობებმა დამსწრე საზოგადოების წინაშე ქართველი და უცხოელი კლასიკოსების ნაწარმოებებიდან ამონარიდები წაიკითხეს.

ღონისძიების ფარგლებში ხელისუფლების წარმომადგენლებმა საუკეთესო მკითხველები დააჯილდოვეს. ღონისძიება მუსიკალურად ბოლნისელმა კომპოზიტორმა ლევან ქუქჩიშვილმა გააფორმა.

საერთაშორისო თარიღი დღის განმავლობაში რუსთავის, მარნეულის, გარდაბნისა და დმანისის მუნიციპალიტეტებში თემატური აქტივობებით აღინიშნა.