27 სექტემბერს, სოხუმის დაცემის დღესთან დაკავშირებით, ქვემო ქართლში სახელმწიფო რწმუნებულის მოადგილე კახა კობერიძემ, რუსთავის მერმა, ირაკლი ტაბაღუამ და მუნიციპალიტეტის საკრებულოს თავმჯდომარე ლევან ონიანმა, ქალაქში მდებარე გმირთა მემორიალი და ეროვნული გმირის, ჟიული შარტავას ძეგლი გვირგვინებით შეამკეს და საქართველოს ტერიტორიული მთლიანობისთვის ბრძოლაში დაღუპულთა ხსოვნას პატივი კიდევ ერთხელ მიაგეს.

გმირების სულის მოსახსენიებელი პარაკლისი, რუსთველმა მიტროპოლიტმა, მეუფე იოანე გამრეკელმა აღავლინა, პატრიოტულ მოტივებზე შექმნილი სიმღერები შეასრულეს ადგილობრივი ფოლკლორული ანსამბლის წევრებმა.