21 მაისს, რუსთავის გიგა ლორთქიფანიძის სახელობის პროფესიულ დრამატულ თეატრში, საქართველოს ეროვნული ოლიმპიური კომიტეტის ხელმძღვანელი პირები, ოლიმპიური და მსოფლიო ჩემპიონები, რუსთაველ სპორტსმენებს შეხვდნენ და საკუთარი წარმატებისა და მიღწევების შესახებ გამოცდილება გაუზიარეს. 
ღონისძიების ფარგლებში, ქვემო ქართლში სახელმწიფო რწმუნებულის მოადგილე კახა კობერიძემ, რუსთავის მერის მოადგილე გოჩა ლორიამ, საკრებულოს თავმჯდომარე ლევან ონიანმა და საქართველოს ეროვნული ოლიმპიური კომიტეტის პრეზიდენტმა, ლერი ხაბელოვმა, ოთხი რუსთაველი მწვრთნელი და ფიზიკური აღზრდის ორი პედაგოგი დააჯილდოვეს. 

მოეწყო სპორტსმენების შესახებ გადაღებული ვიდეო-მასალის ჩვენება, შესრულდა პატრიოტულ მოტივებზე შექმნილი სიმღერები და გაჟღერდა საქართველოს სახელმწიფი ჰიმნი.