ქვემო ქართლის გუბერნატორი, სამხარეო ადმინისტრაციაში, რეგიონული განვითარების სააგენტოს წარმომადგენლებთან ერთად, უცხოელ ინვესტორებს შეხვდა. 

შოთა რეხვიაშვილს სტუმრებმა დეტალურად გააცნეს ბიზნეს იდეა, რომელიც ქვემო ქართლის რეგიონში სახელმწიფო პროგრამის ,,აწარმოე საქართველოში“- ფარგლებში, ჰიმალაის ბუნებრივი, ნატურალური და სამკურნალო თვისებების მქონე, მაღალი ხარისხის, მარილის საწარმოს მშენებლობას ითვალისწინებს. 

უახლოეს მომავალში ინვესტორები, ცენტრალური და რეგიონული ხელისუფლების წარმომადგენლებისა და თემით დაინტერესებული პირებისთვის გამართავენ ფორუმს, სადაც ადგილზე განსახორციელებელი გეგმებისა და ინიციატივების შესახებ დეტალურ პრეზენტაციას წარმოადგენენ. 

ინვესტიციის განხორციელების შემთხვევაში ადგილზე რეგიონის მცხოვრებლები, მათ შორის განსაკუთრებული საჭიროების მქონე პირები დასაქმდებიან.