გიგა ლორთქიფანიძის სახელობის რუსთავის პროფესიული დრამატული თეატრის ცისფერ დარბაზში, მსახიობ ეკა ქვრივიშვილის წიგნის ,,ფარდებს მიღმა’’ პრეზენტაცია მოეწყო. 

ღონისძიებას ქვემო ქართლში სახელმწიფო რწმუნებულ-გუბერნატორის მოადგილეები ალექსანდრე მეტრეველი და კახა კობერიძე, რუსთავის მერი ირაკლი ტაბაღუა, საკრებულოს თავმჯდომარე ლევან ონიანი, მერის მოადგილე გოჩა ლორია, საკრებულოს დეპუტატები, მსახიობები და სხვა მიწვეული სტუმრები დაესწრნენ. 

ეს რუსთავის თეატრის მსახიობის მიერ გამოცემული რიგით მესამე წიგნია. ეკა ქვრივიშვილი კიდევ ორი კრებულის - ,,სივრცისკენ მივქრი“ და ,,ჭიდილის სამყაროსთან“ ავტორია. 

ეკა ქვრივიშვილი რუსთავის თეატრში 1993 წლიდან მოღვაწეობს. თეატრის სცენაზე მას არაერთი საინტერესო როლი აქვს შესრულებული.