3 დეკემბერს, რუსთავში, შეზღუდული შესაძლებლობების მქონე პირთა ცენტრში ბენეფიციართა უფლებების დაცვის საერთაშორისო დღისადმი მიძღვნილი ღონისძიება ჩატარდა.

„ფოლკლორის ჰანგები“ - ამ სახელწოდების კონცერტში განსაკუთრებული საჭიროების მქონე პირებმა პედაგოგებთან ერთად მიიღეს მონაწილეობა და სტუმრების წინაშე ხალხური საკრავების თანხლებით შესრულებული მუსიკალური ნომრებით წარდგნენ.

ღონისძიებას რუსთველი მიტროპოლიტი, მეუფე იოანე(გამრეკელი), პარლამენტში რუსთავის მაჟორიტარი დეპუტატი გიორგი ბეგაძე, ქვემო ქართლში სახელმწიფო რწმუნებულის-გუბერნატორის მოადგილე კახა კობერიძე, ქალაქის მერი ირაკლი ტაბაღუა და მუნიციპალიტეტის საკრებულოს თავმჯდომარე, ლევან ონიანი სხვა მიწვეულ სტუმრებთან ერთად დაესწრნენ.

სტუმრებმა შეზღუდული შესაძლებლობების მქონე პირთა ცენტრის წარმომადგენლებს ღონისძიების ორგანიზებისთვის მადლობა გადაუხადეს და საერთაშორისო თარიღი, პირადად, მიულოცეს.