ქვემო ქართლში სახელმწიფო რწმუნებულის პირველი მოადგილე ზვიად ჭუნაშვილი, რუსთავის მერი ირაკლი ტაბაღუა და საკრებულოს თავმჯდომარის მოადგილე ნინო ქავთარაძე, კლინიკა ,,რუსთავში“ ბავშვთა რეანიმაციისა და პალიატიური მედიცინის განყოფილებების გახსნას დაესწრნენ.

ხელისუფლების წარმომადგენლები დაწესებულების განახლებულ მატერიალურ-ტექნიკურ ბაზას გაეცნენ და მედპერსონალს გაესაუბრნენ.

ბავშვთა რეანიმაციისა და პალიატიური მედიცინის განყოფილებების სამედიცინო აპარატურით აღჭურვასა და შესაბამისი ინფრასტრუქტურის მოწყობაში, 2 მილიონამდე ლარის ინვესტიცია განხორციელდა.

კლინიკა ,,რუსთავი’’ რეგიონის მასშტაბით, პირველი სამედიცინო დაწესებულებაა, რომელიც პაციენტებს მსგავსი პროფილის მომსახურებას გაუწევს.