21 მაისს, წყალტუბოში “სახელმწიფო და ადგილობრივი ხელისუფლების ინსტიტუციური დიალოგის” მეოთხე ყოველწლიური ფორუმი „რეგიონული ეკონომიკა – ძლიერი მუნიციპალიტეტები დეცენტრალიზაციის რეფორმის კონტექსტში“ გაიმართა. ფორუმზე მიწვეულ სტუმრებს სიტყვით მიმართეს საქართველოს პრემიერ მინისტრმა, მამუკა ბახტაძემ, საქართველოს პრეზიდენტმა, სალომე ზურაბიშვილმა, მთავრობის ადმინისტრაციის რეგიონული მართვის სამსახურის ხელმძღვანელმა, სოზარ სუბარმა და პარლამენტის რეგიონული პოლიტიკისა და თვითმმართველობის კომიტეტის თავმჯდომარემ ზაზა გაბუნიამ. 

ფორუმზე ადგილობრივი თვითმმართველობის რეფორმის ფარგლებში რეგიონული ეკონომიკისა და ადგილობრივი ბიზნესის განვითარების ძირითადი გამოწვევები განიხილეს.

ღონისძიებაში მონაწილეობა მიიღო ქვემო ქართლში სახელმწიფო რწმუნებულმა შოთა რეხვიაშვილმა საქართველოს რეგიონებისა და თვითმმართველი ქალაქების მერებთან, საკრებულოს თავმჯდომარეებთან და საერთაშორისო ორგანიზაციების წარმომადგენლებთან ერთად. 

აღსანიშნავია, რომ სახელმწიფო და ადგილობრივი ხელისუფლების ინსტიტუციური დიალოგის ფორუმი პარლამენტის რეგიონული პოლიტიკისა და თვითმმართველობის კომიტეტის ინიციატივით, 2018 წელს დაარსდა. იგი თვითმმართველობის განვითარებასა და დეცენტრალიზაციასთან დაკავშირებულ საკითხებზე ცენტრალურ და ადგილობრივ ხელისუფლებას შორის კონსტრუქტული დიალოგის პლატფორმაა და საქართველოს 64 მუნიციპალიტეტის არჩეულ მერებს, საკრებულოს თავმჯდომარეებს, რეგიონების რწმუნებულებს და ცენტრალური ხელისუფლების წარმომადგენლებს აერთიანებს.
ფორუმის მხარდამჭერები არიან: გაერო-ს განვითარების პროგრამა საქართველოში (UNDP), ეროვნულ - დემოკრატიული ინსტიტუტი (NDI), საერთაშორისო რესპუბლიკური ინსტიტუტი (IRI) და „ვორლდ ვიჟენი“ (World Vision). ღონისძიება იმართება აშშ-ის საერთაშორისო განვითარების სააგენტოს (USAID), შვეიცარიის, ავსტრიისა და დანიის მთავრობების ფინანსური ხელშეწყობით.