7 ივნისს, ქვემო ქართლში სახელმწიფო რწმუნებულის-გუბერნატორის მოადგილემ, კახა კობერიძემ, რეგიონული კონკურსის ,,კალიგრაფიის მარგალიტების“ გამარჯვებულთა დაჯილდოების ცერემონიაში მიიღო მონაწილეობა. 

ვიცე-გუბერნატორმა, დაბა მანგლისის სიონის ეზოში შეკრებილ საზოგადოებას სიტყვით მიმართა, ღონისძიების მონაწილეებს მადლობა გადაუხადა და ხელნაწერთა ავტორებს წარმატება უსურვა.

კონკურსის დასკვნით ეტაპზე, სტუმრების წინაშე წარმოდგენილი იყო სხვადასხვა ასაკობრივი კატეგორიის მოსწავლეთა მიერ შესრულებული ნამუშევრები, მათგან საუკეთესოს სტატუსი კი ქალაქ რუსთავის 22-ე საჯარო სკოლის წარმომადგენლის, ანა გოქაძის ხელნაწერმა მოიპოვა.

აღსანიშნავია, რომ კალიგრაფიის კონკურსი, ქვემო ქართლში სახელმწიფო რწმუნებულის-გუბერნატორის ადმინისტრაციის და რუსთავის სკოლა „ლაზარეს“ ერთობლივი ძალისხმევით, წელს უკვე მესამედ ჩატარდა და მასში მონაწილეობა რეგიონის საჯარო და კერძო სკოლის მოსწავლეებმა მიიღეს.

პროექტის მიზანია, ახალგაზრდებისთვის ტრადიციული ქართული კალიგრაფიის გაცნობა, ხელით წერის პოპულარიზაცია, ქვემო ქართლის რეგიონში მცხოვრები მოსწავლეების დამეგობრება და მათი შემოქმედებითი უნარების წარმოჩენა და განვითარება.